久別重逢你我真係好開心

別說情人我與你齊開心

重人重友愛你真連心

逢非義善滿懷情心

大公無私懷愛心

家道私語善心

好自在樂心

友在你心

齊人心

開心

心

[横看直讀都可以貫通,改良板]

文章及影像版權屬原作者

有一位老婆婆 個子唔高 , 但係好肥 ,
行路既時侯需要拐杖支持。
每隔兩個月,老公公都會陪老婆婆到醫院覆診,因為老婆婆患有高血壓。

某夜 , 老婆婆左邊身麻痺入院
經過電腦掃描顯示右腦出血。

我如實話比老公公知 , 佢無出聲 , 只係無奈咁望住我
,淚水已經湧現。

第二朝, 意料之外 , 老婆婆既情況唔係想像中咁壞
,而且頭腦清醒。

入院之後既第五日 , 老婆婆問我
:呢兩日伯爺公點解無黎探我既 ?
一個實習護士話比我聽 , 早兩日老公公突然心肌梗塞
,住左響對面既男病房。
兩老無兒無女, 最親既都只係姪仔。
今日, 姪仔帶左兩樽果汁黎醫院 , 先去探老公公
,再去探老婆婆。
過左幾日 , 老公公既病情剛剛穩定 ,
就嚷住要出院照顧老婆婆,經過一番溝通之後 ,
主治醫生諗左一個折衷辦法 :

首先老公公換番自己既衫 , 坐住輪椅
,由工友推到女病房門口 ,而為左安全起見 ,
醫生護士都要跟埋老公公一齊 .老公公蹣跚地企起身 ,
手執果汁 , 走到老婆婆床邊 :買比妳飲嫁。

老婆婆嗲起黎 : 呢幾日唔見你既伯爺公 , 咩事呀 ? 病左咩?

老公公微笑 : 唔係呀伯爺婆 ... 姪孫結婚啦
,我要幫佢打點一下嘛。
呢一個, 係我咁耐以來聽過最動人最感動既一個謊話。

人生就好似變幻莫測既天氣 , 雖然可以預料
,但往往都出人意表 ...

老公公既心臟日復日咁康復 , 準備出院那天 ,
病情突然惡化,撒手塵寰。

姪仔辦理完死亡證明之後就黎搵我
,要求暫時唔好話比老婆婆知 ,
因為老公公死前遺言 :
照顧伯爺婆,唔好話佢知我既事,唔想佢受剌激。
呢個時候, 無一個在場既人唔感動唔流下眼淚, 包括我 .....

當日我巡房既時侯老婆婆又問 :
伯爺公D果汁喝晒啦點解佢又不見人?

護士強忍眼淚 : 妳唔記得左咩? 姪孫過兩日結婚啦!老公公要幫手嘛。

第二朝清早 ,
我發覺老婆婆床頭多左樽瓶果汁,聽到護士同老婆婆話 :
老公公剛黎過 , 佢見妳訓得咁甜 ,
唔捨得叫醒妳,放低果汁就走啦。

當護士一轉身發覺我企響度既時候 , 立刻雙頰通紅。
我微微一笑 , 拍左佢膊頭一下, 慶幸佢果顆愛心
,不為歲月冷卻。

當日下晝
,護士長察覺坐響梳發對住窗望風景既老婆婆無左呼吸 ,
我迅速跑去一手抱起老婆婆 ,再聯同護士將婆婆放上病床急救
....搶救二十分鐘之後 , 我宣布失敗 ....

我一邊寫報告記錄 , 一邊諗起「陪著你走」既一句歌詞 :
如果, 走到這世界邊端 , 我倆已是無力前行 ,跟我一起飛去

護士長走過黎同我講 : 估唔到妳咁大力
,一手就可以抱起老婆婆。
我只係報上微笑,
因為我已經唔想講任何野,我怕我忍唔住眼淚 ....
老婆婆的確好肥 , 但係好輕
,因為佢既靈魂已經跟老公公飛走左啦.....
愛" -- 雖然只係一個字

但係無人亦都無野可以具體咁解釋呢個字 .....

正如糖好甜, 花好香 ...
根本無得解釋,要用心同親身體會先可以感受。

真正既愛~~應該係堆藏響心裡面, 去體會, 去感受, 去領悟

即使天會變~~月會圓 花會枯 人會老 .....

有生之年,請珍惜你所愛以及愛你既人

版權屬原作者,歡近引用！ 

平安是人的願望,

人類所求,

無論你是富有或是窮困,

你一生都渴望平安二字,

健康,開心,

物慾無法可以滿足,

心靈平安是可以追求,

聖誕當前,祝願全人類平安是褔。

Wishing You Merry X'mas !!! 

這個唐詩網址,

有很多好美的詩詞,插圖及解釋..[包括中國故事,成語故事,兒童詩]

希望大家會看一看,

日後對文筆上有所運用,及幫助...

http://edu.ocac.gov.tw/culture/topic/03html/01new.htm

文章及影像版權屬原作者,歡近引用，

請勿抄錄

但好喜歡聖誕節...氣氛熱鬧,和平與愛...

預祝你聖誕快樂!
::