°☆° 力記 Store °☆°

家有小小兔嘅個兔資料 :

原名 :  皮皮 (兔友職員叫嘅)

改名 :  俊俊 (上手寄養家庭改嘅)

再改名 :  Mo Mo (我哋改嘅)

花名 :  Mo B、Mo BB、Mo Mo 豬、衰豬仔、Mo 丙、串 Mo、甩 Mo 飛 、肥 Mo、肥羅 Mo、啤 Lee、傲拜仔、迪迪仔、乖仔、衰仔、死仔包。    

性別 :  囝囝 (已絕肓)

年齡 :  2 歲零 7 個月

種類 :  貓貓兔

膚色 :  啡白 ( 其實係灰、白、淺啡，猶其左耳、左眼及左手仔都係灰黑色架! )

性格 :  溫純、精乖、為食、八卦、驚青、硬頸、粗魯、唔洩底、唔得就算數。 

嗜好 :  鐘意食、屙、瞓  ( 猶其鐘意食蘋果 )

一般技能 :  都係食、屙、瞓

特殊技能 :  超快咬爛嘢

生日日期 :   9 月 8 日 (兔友接收日期 :  3 月 8 日 )

備註 :  回家第一天係2008 年4 月 24 日。

雖然佢唔識叫，最叻就係食屙瞓，同埋喪跑喪跳，但睇見佢嘅精靈眼神，無俚頭嘅行為舉動，以及為食嘅得戚樣，加埋騎騎呢呢嘅一身造型 (黑色嘅左耳左眼左腳及背脊啡白色三間)，係咁我哋有驚無險，有開心及擔心，有時鵝吓佢及親親佢，話咁快就一年啦!

其實當中都有開心同唔開心，記得第一次帶佢去剪髮 (剪毛)，第一次同佢慶祝兩歲生日，力力 (係我) 突登放咗一日假，就咁我哋一家三口開開心心咁渡過咗一個下午。以及第一次同佢渡過一個簡單、溫暖、浪漫的平安夜，同埋第一次同佢過新年，情人節及復活節呢!

仲記得第一次同佢分開 4日 (台北輕散4天遊2008)，感覺只係少少唔捨得，可能對佢嘅日子尚淺喇，跟住第二次同佢分開咗8日 (東北三省之旅 2008)，感覺有啲卦住佢，因遲咗訂位，就四圍搵個好地方安置佢，好在得到隻衰仔以前個寄養家庭 ( 即“貓仔, 妹妹 & 黑咪咪” 媽咪囉 ) 幫手湊佢幾日咋，如果唔係都唔知點算，但返嚟又要由頭再教佢去厠所嘞! 仲有第三次同佢分開都係8日〔日本北國楓情之旅2008 (鬆遊記 – 上)，日本北國楓情之旅2008 (鬆遊記 – 下)，日本北國楓情之旅2008 (浪食記)〕，唔知點解就勁卦住隻衰仔，可能都對咗5個幾月，唔係好慣佢唔喺身邊唧!

最唔開心緊係佢病病啦，最記得係喺初四 (2009年1月 29 日) ，佢由下晝開始唔食草唔飲水，睇見佢咪埋對眼，面容挪埋一注及縮埋一舊好辛苦咁，我哋勁擔心佢有事，夜晚十一點半帶佢去睇急症，醫生話佢可能條腸塞咗，要吊皮下水，打止痛針及食藥，就咁無出街日日夜夜照顧咗佢成個禮拜，跟住睇住佢回復番個精靈樣，我哋嘅心情都開心番哂!

好期待同佢慶祝三歲生日，但就唔想同佢分開一段長長的日子。我哋喺呢一年都同佢有好多趣事及難忘的片段，就只可在記憶裡，回憶與牠一起走過的日子!

回憶與牠一起走過的日子 ….

由偶遇，相處 ，比較，改觀，雜性，觀察，記掛，失控，精乖，穩健，出事，愛錫，至共對!

與牠一起走過的日子 (第一天) >  >  >  >  > 偶遇

與牠一起走過的日子 (一個月) >  >  >  >  > 相處

與牠一起走過的日子 (兩個月) >  >  >  >  > 比較

與牠一起走過的日子 (三個月) >  >  >  >  > 改觀

與牠一起走過的日子 (四個月) >  >  >  >  > 雜性

封面兔郎

Mo Mo 兩歲生日

與牠一起走過的日子 (五個月) >  >  >  >  > 觀察

與牠一起走過的日子 (六個月) >  >  >  >  > 記掛

與牠一起走過的日子 (七個月) >  >  >  >  > 失控

與牠一起走過的日子 (八個月) >  >  >  >  > 精乖

與牠一起走過的日子 (九個月) >  >  >  >  > 穩健

與牠一起走過的日子 (十個月) >  >  >  >  > 出事

與牠一起走過的日子 (十一個月) >  >  >  > 愛錫

與牠一起走過的日子 (十二個月) >  >  >  > 共對

今天，Mo Mo 媽咪依然要同佢梳毛，Mo Mo 爹哋依然要繼續清理佢個房 (籠)，而 Mo Mo 又照舊咁食屙瞓，同時 Mo Mo 媽咪及 Mo Mo 爹哋，依然繼續與牠共渡未來的黃金歲月!

                        秋意 四季唯獨愛秋天，她不像冬天那麼冰凍，也不像夏天那麼刺 ...《 詳全文 》