【舊版】老刀烏白講

大導演李安佇義大利得著金獅獎了後，「色．戒」這齣劇佇短短規日內，已經變做最近上熱門的話題。因為有朋友送我招待券的關係，頂禮拜六暗時老刀下班了後，嘛去電影院佮別人鬥鬧熱。

這齣劇雖然老刀認為劇情平平無衫希罕，予大家討論上濟的話題：易先生（梁朝偉飾）佮王小姐（湯唯飾）的三場露點激情床戲、劇內底演員用心計較、你去我來的精彩對白，攏總毋是老刀欲討論的重點。「色．戒」予老刀印象上深的所在，是重建 1940 年代上海街景、服裝，閣有撮影師掌鏡、取景的功力，看著電影掌鏡技巧，予我佇翕相取景方面有新的啟示。想欲提升撮影、取景功力，觀摩大師作品果然重要。

無論按怎，毋管你是用啥角度來看「色．戒」，這齣戲充滿會使予人研究的所在，真正是一齣回味無窮、值得你看的影片。