部落格「有人天生偉大，有人造就偉大」
你好，歡迎參觀我的部落格！
我要留言
最新文章
終於要到離開墾丁的日子，好唔捨得，我一定會再去！
不過我都帶了一樣東西離開，就是曬得紅紅的皮膚！
約了司機十一時，結果一落樓就俾我地知道一個晴天霹靂的消息，就是之前載我們的蔡大哥，與我們擦身而過！！既然見唔到佢，就唔好俾我知佢出現過啦，搞到勁失望，但係咁就俾多個藉口我再返墾丁！
雖然冇得同蔡大哥再見面，但係今次出高雄的車程令我地見識到一代秋名山車神！
我地同另外一對香港情侶坐同一架車，中途去食唔知滔滔定蔡瀾介紹過的小杜包子……去到門口，唔使多人到咁嘛？好彩同我地同車的情侶識得人，搭單搭上搭先唔使排咁耐（但其實我地都由七十幾號等到一百零幾號），個包又真係味道唔錯，但係因為買包用了四十五分鐘，買完都差不多十二點，秋名山車神又趕住載下一批客，所以就使出佢渾身解數，沿途逢車過車，最高時速去到 140，平均都有 120，仲加插表演一隻手食包一隻手開車，同埋一邊講電話一邊開車，轉彎都唔會減速，遇到塞車就行隔離條機車路，就算上到高速公路落大雨落到狗屎咁，個水潑潑極都睇到清前面條路，佢都冇減速的意圖，沉醉佢個極速之旅，難為我全程都俾佢嚇餐死，終於一點半就送我地到高雄高鐵站！
就係呢個包咁出名喇！
人地叫緊 72，我地係 143……
第一次坐高鐵，好似大鄉里出城咁，仲要差少少就 miss 班車，好彩最尾都趕得切，一上到車佢就開喇，時間剛剛好呀！
咩都要影之高鐵車票
去到我地下一站：台中！
超興奮的兩個人！
坐台灣的火車，令我有細細個返上海搭火車的感覺
我地住的酒店就係後火車站正對面，一望個外形，我與某嫻不約而同咁叫：嘩，仲衰過一樂園喎！好彩就係「人不可貌相」，個外貌係就係衰少少，不過我地住間房當然俾以前一樂園住的好太多了！最緊要間房夠晒大，張床又大，電視又睇得舒服，梳化都坐得舒服！
我地間房之一：
我地間房之二：
休息一陣，都要出去台中行下，因為逢甲夜市比較遠，所以我地去近少少的一中商圈，當然就係坐的士來回啦！
呢到就係一中商圈喇～
一中商圈其實都係一個夜巿，都勁多人行，咁我諗逢甲應該會仲多人！又係掃街的時候，一路行一路食一路睇，同埋仲要一路搵垃圾筒……一路逛個感覺都令我地覺得好似返香港咁，好多小食檔都見到「港式」、「香港」兩隻字，街邊有人唱歌都係唱緊張敬軒，見到的鋪頭都係 Bossini、Converse、Levis、Addidas、Nike……所以話呢，我地係「假台灣真香港」之旅XD
台中一夜遊，第二日上清境喇！
我要回應
這天，我們要挑戰墾丁的水上活動！由於玩水上活動已去了大半天，所以拍的相片相對較少（而且還有一堆照片是不能曝光的，是我們三個人不能說的秘密）朝早我們就是企在車尾出發……落水前的合照我們 ...《 詳全文 》
這天，難忘的一天呀，因為是我們與蔡姓司機哥哥相遇的日子……1100，蔡哥哥準時接我地出外，沿路同我地傾偈，帶我地去好多地方今天亦是 PHOTOSHOP 之旅，皆因墾丁風景太正喇！ 此的不同彼的，這 ...《 詳全文 》
是時候要打 Blog 了，不然我會忘記的早上 0630 出發，很豪爽地我們是從屋企樓下坐的的去機場，每人九十多塊，Acceptable，最緊要方便快捷舒適，貫徹我與某嫻的宗旨！出發了，飛機準時 0900 起飛 ...《 詳全文 》
天蠍座