李江却台語文讀冊會

 聲音檔(1)http://tgb.hopto.org/new/modules/mydownloads/images/shots/V001.WAV

 聲音檔(2)http://tgb.hopto.org/new/modules/mydownloads/images/shots/V002.WAV

王玉川，1933年十月初六出世，新竹市人，十一、二歲做過吹玻璃工人，第二次世界大戰了後，開始拜師李金圳學習南管子弟戲，就是俗稱ê白字戲iah九甲戲，會曉吹、拉、彈、唱、演（三花），當時師兄妹有陳寶貴、許秀琴、郭麗卿、罔市……等，lóng是有名ê生、旦角色。十九歲開始拜師李新發走江湖賣藥仔，kap郭招治結婚，然後tī內台歌仔戲班演三花角色七、八年，到三十一歲chiah離開戲班，翁仔某拜泰豐製藥廠老闆林泰崑為師學習藥理，四界演唱兼賣藥仔：泰豐益壽丹（顧胃）、泰豐壯血丸（補血），藥仔好、伊唱唸gâu，chhêng-chāi一個所在做一、二個月，一直到林泰崑五十九歲（1967）中風過身，兩人就失業，當時有三個gín-á。1968年起kap陳美珠合作t„電台kap四界賣藥仔演出，長長短短有二十年hiah久，中ng mā學做補鼎七、八年、整牽亡陣十一年，整孝女陣三年，整梅佳、梅閣歌仔戲團七、八年̄，tī̄勝珠歌劇團當頭手弦六、七年，新玉聲歌劇團二、三年，chit-má tòa tī板橋。

豐富ê人生，hō͘王玉川會曉各行業ê 避話。Kiám-chhái 你真愛看戲，”花子”是啥？你hōan-sè m̄知影！這是戲班ê 避話。五月28 拜一暗時七點，王玉川先生beh來李江卻台語文讀冊會kap大家開講，來講戲、講人生、講避話，這是難得ê機會，ē-tàng來 拾giōng-beh 失傳ê語詞，ùi語詞來認識台灣人ê生活智慧。