我與美食有緣

這是一個奄列飯。

地點是在旺角的樓上店。

有甚特別?

有，那就是這店由一班記者及攝影記者經營，夠未?

都說facebook效力宏大。

我就是在此知道此店。

那天與友人在此談工事，順便探秘。

地點不難找，就在金聲戲院附近的街市，轉入去在酒樓對面。

很易找，只是要行樓梯。

店內可坐十多二十人，加上有露台，座位亦很舒適。

好感度大增!

最感動是她們的食物!

味道比一般的餐廳高，份量也多，四十幾元一個晚餐再加一杯飲品。

沒話可說吧!

就像這奄列飯，那汁層次感豐富。

讓我有藉口要多了一個晚餐。

那是肉醬闊條麵，汁也是好吃到不得了!

於是，前兩天又再去了一次。

雖然有一點危險，在行家面前談生意。

亦因如此，在同行間又有多一份自在。

難得在旺角可吃到此水準食物，而且有wii又有無線上網，在此寫稿都得。

這裡亦可包場，認識的友人開講座，又多一個地方選擇。

**這個蛋包飯，飯是一粒粒不會太黏，加上美味的汁，一陣就給我吃光了!

*這個肉醬千層粉都好好味! 肉醬十分冶味!

*這是餐送的薑茶!

*地點旺中帶靜!

Press Corner
地址: 旺角煙廠街25號1樓
電話: 22177862
網站:  http://www.presscorner-hk.com/

facebook: http://www.facebook.com/group.php?gid=5841052155

大家睇唔睇到我的祝福!?

一切在倒數中!

但讓我更感動，是不斷挫折中，心中的一團火又出來了!

都是一句，沒有夢想同條咸魚有咩分別!

不過，先要好似星爺一樣.....搵咁多錢先。

趁仲有火，好好努力拚下去。

>>這都是很久前與兩位大人一同去美心飲茶時食。

上面圖中的是他們得獎甜品，入面d餡無記錯應係芒果蓉。

出面就係一般湯丸，都ok既!

至於下底的是南乳豬手，絕少食既點心....但估唔到竟然食到骨髓。

都幾好食仲有少少感動。

大人，我好快就可以同你地去飲茶，搵灌湯餃既日子，好快又回來了!

等我，好快可以一齊去飲茶啦~

*你睇入面d汁!食落又軟又帶一點點酸酸的。

*意想不到的豬手，竟然頗美味! 你睇，真係好豐富的骨膠原!!!!好味!!

呢日因為別的關係，令書遲了去發行，於是立即趕去發行補救。

工作就是如此，唔係你無問題就無問題，別人的問題一樣可以成為你問題!

請罪當然要請下午茶，撲去蛋撻王買「撻」。

因為賣晒要等佢地再整，於是四處八。

竟然見到有冰鎮奶茶及榴槤麵包。

好呀!真進步!

難怪佢地在工廠區有好多分店。

都話只要有心，鐵柱都磨成金!

*我唔食榴槤，所以唔知包既味道!不過，能夠識變通，都係好事!

*望似奶皇包多D!

*仲有冰鎮奶茶，細細樽，顏色都幾對版，下次一定要試試!

>>之前鍾偉民在蘋果罵了三天，就是有關發書問題。朋友也說，現在很多自資出版很難生存!當然，我唔想收書，所以都是小說小錯!不過，真係無位走?我又唔信!路，是行出來既!努力!

*以前魚皮餃好食d，唔重要，都比一般店好。

為甚麼要有食神?

當你走在街上，想找地方食飯時就知，甚麼是食神。

因為，你真係可以都係同一碗麵，但水準可以差之千里。

呢日既食神，係給我重遇夏銘記。

人生有甚麼是值得回憶?天星碼頭拆唔拆，關我同你咩事。

生活沒有實質影響，但事實係一些回憶，在拆卸後便一點不漏地消失。

望住塊爛地，你唔會再記得過去在此見到大堆新娘拍照既日子。

集體回憶，就是如此。

當然，有未來才有過去。

只係，舊都唔一定有保証，有d係無法向前行亦保持唔到水準，令人惋惜。

好好彩，呢日給我重遇你---夏銘記。

仍是那那四寶，仍是那些一堆堆又特別滑的紫菜。

仲有辣到無命培既辣椒油，以及樽庄可樂!

吃一口，喝一啖，人生也不過如此!

感謝老闆娘仍記得我，更畀面讚一句靚女咗。下次唔駛啦!心知就算，你在收銀一講，我在最尾位置一答，大家都會噴菜就唔好!

集體回憶仍在，感激上蒼，仍讓食神給我機會，再嚐夏銘記的美食!

**這是我的例牌麵，即貪心人表現。



*近期戒凍飲，呢日例外，點可以唔飲可樂配四寶!


*佢地既辣椒油，一流!夠辣又唔會有渣，頂級!


*牆上既介紹，見証呢間老店的歷史。

*見到餐牌有一絲絲感動!


>>下次一定要食牛腩，好掛念呀!

夏銘記麵家
地址 : 油麻地新填地街151A(駿發花園近油麻地百老匯戲院)
電話 : 2713 4323

兩張相，大家鍾意邊張?

我就鍾意下面張。

但上面張又無咁拆色，又靚d!

最後，決定兩張都放!

祝大家新一年更加開心快樂!天天都有食神啦!^^

真係估佢唔到，$10四個酥(山崎買)，真係幾好食!

翌日食都仲好鬆脆!

在此祝大家日日都開心快樂!天天有食神!

或者你可以話，我又要返工點食下午茶?

我明，但星期六、日都好，都要選下午茶來食，原因價錢差好遠之外，仲因為可以食多好多唔同款式，但價錢差好遠。

好似呢間下午茶，平均二十幾蚊一個餐，特別個意粉抵食到無譜，去快餐店都食唔到。女仔，真係夠兩個人食!

呢日三個人要了四個餐再加一個麵包，就可以當晚餐食!

你明我點解成日呻貴，只是一百多小小夠三個人食有餘，平均三十幾蚊一個人。

想點?!

而時間到六時前，即五時後六時前去食都仲食到!

真係好過食正餐。

>>其實有d下午茶在星期六、日都有，真係好過食正餐!我會搵多d比大家啦!

*呢個薯仔沙律真係幾好食，後面既炸魚無咁燶，但為了前面既薯仔色，唯有犧牲佢。^^

*呢個追加既餐，因為我想食那朱古力炸多士，但最後是失望啊!麵包無味，湯粉又淡，唯獨隻雞翼可以一食，夠脆!   
                

**另一個有湯粉及豬扒包，味道ok啦!


*一直我認為最抵食既意粉，大碟到可以夠兩個人食!你睇，真係好大碟，再加芝士及黑椒，無敵....超肥!



*再加$10仲有大大個包，一旁既鮮茄汁，兩位大人食得好開心!^^

>>近期再食到其他抵食既下午茶，再update啦!^^

波濤餐廳
地址: 香港九龍葵芳新都會廣場138號舖
電話: 2856 8680

早前央求大人買了這牛奶!

本來想喝一次熱奶，發一個美夢。

然後，一天在雪櫃發現此牛奶仍在雪櫃內。

再看期限已過了十多天!

呵~

原來，美夢是不用靠熱奶而來!

因為，沒有熱奶，我每天也仍是努力地睡一覺。

只要我願意早一點睡就好了!

可是，我此刻仍在上網.....優質睡眠，似乎仍離我很遠。

是不是要再買一包奶?

>>為何要買此雀巢低脂朱古力奶?

很簡單....因為黑色盒好high!

膚淺?我認呀!

但真係好靚呀!女人就係如此簡單!

$18可以食d咩?

我呢日就在星加坡餐廳等大人到時，竟然給我找到這個肉骨茶。

嘩!$18一碗咋!

於是要一碗試試。

想唔到又幾大碗，而且兩大舊肉骨，而湯亦有濃濃的藥材味!

呢個價錢，真係有d無話可說。

不過，到大人食個炒貴刁，就被評水準普通，無以前食過般美味。

而我個咖哩牛腩飯，可能係餐關係，只係得三幾件又韌又唔好食既牛腩。

至於個春卷，就....普通過普通。

唔知只係上去飲呢個湯，會唔會畀人趕?

*湯份量都，個湯都幾多油，但可接受程度!

*至於個咖哩，仲要面加紅辣油就知唔算好辛辣，但就係馬來咖哩，所以食汁就ok...唔食肉就好啦!唉~

*阿大人既炒貴刁，無晒呢類店既特色....似去茶餐廳食!

*個星加坡春卷夠脆，就得咁多!


*我本來想食麻薯燒，但肉骨茶加個麻薯等於個餐，真係難選擇。

*樓下超多人既係沙嗲王，而樓上呢間都夠大亦有唔少食客，但有d侍應超遊魂，人地order既菜追完又追。而sever我地既男侍應，有d又超無禮貌，而家做食肆都幾難!

星加坡餐廳
地址:香港九龍旺角彌敦道655號胡社生行5樓
電話:3165 8122